13 қараша 2024, 12:22 707

ҚМГ және SOCAR декарбонизация мәселелері бойынша стратегиялық келісімге келді

Баку қаласында «ҚазМұнайГаз» ҰК АҚ мен Әзербайжан Республикасының Мемлекеттік мұнай компаниясы (SOCAR) БҰҰ-ның Климаттың өзгеруі жөніндегі негіздемелік конвенциясы (СОР-29) тараптарының 29-шы конференциясы аясында декарбонизация мәселелері бойынша стратегиялық келісімге қол қойды.

Құжат ҚМГ мен SOCAR-дың көміртегі ізін азайту жөніндегі ұзақ мерзімді стратегиясының маңызды кезеңі болып табылады. Сонымен бірге жетекші екі мұнай-газ компанияларының декарбонизация жобаларын іске асыру және төмен көміртекті технологияларды енгізу саласындағы өзара іс-қимылына бағытталған.

СОР-29 климат мәселелерін талқылайтын негізгі халықаралық платформаға айналды. Қол қойылған келісім өңір елдерінің тұрақты дамуы мен көміртегі ізін азайту мәселелері бойынша ынтымақтастығының басымдылығы мен маңызының артып келе жатқандығын білдіреді.

Әзербайжан Республикасының Мемлекеттік мұнай компаниясы (SOCAR) — мұнай мен табиғи газды барлау, өндіру, өңдеу және тасымалдаумен айналысатын ұлттық мұнай-газ компаниясы.

Еще больше новостей на нашем telegram-канале , подписывайся и будь в курсе!

К списку статей Следующая статья