ҚМГ мен «Шелл Қазақстан» геологиялық барлау жобаларын бірге іске асырады

Құжатқа «ҚазМұнайГаз» ҰК АҚ Басқарма Төрағасы Мағзұм Мырзағалиев және «Шелл» концернінің Қазақстандағы аға вице-президенті мен Төрағасы Херман Бурмайстер қол қойды.

Құжат бойынша тараптар төмендегі салаларда ынтымақтастық орнатуға ниет білдірді:

• геологиялық барлау мен игеру, соның ішінде Қазақстан Республикасының аумағында жер қойнауы мен перспективалы учаскелерге кешенді геологиялық зерттеу жүргізу;
• Қазақстанда жобаларды бірлесіп игерудің синергиясы мен мүмкіндіктері;
• өндіруші өнеркәсіпте келісімшарттар мен сатып алуларды жасасуға, экологиялық стандарттар мен ұқсас реттеуші аспектілерге қатысты жаңа тенденцияларды талдау.

Бұл ынтымақтастық аясында техникалық және экономикалық бағалау жүргізу үшін ҚМГ-нің жұмыс істеп тұрған геологиялық барлау және перспективалы жобалардың деректер базасы пайдалануы мүмкін.

«Компаниялар өзара түсіністік туралы меморандумға қол қою арқылы стратегиялық серіктестік пен өзара іс-қимылды нығайтуға қосымша үлес қосады. Біз Қазақстанның мұнай-газ өнеркәсібінің түрлі салаларында ортақ жобаларды іске асыру кезінде «Шелл» концернінің мол тәжірибесін пайдаланамыз деп үміттенеміз», - деп атап өтті «ҚазМұнайГаз» ҰК АҚ Басқарма Төрағасы Мағзұм Мырзағалиев.