ҚМГ спартакиадасы: Қаражанбасмұнай қоржынында алғашқы медаль

Жарысқа еліміздің әр аймағынан 20-ға жуық команда қатысып жатыр. 400-ден астам мұнайшы 9 спорт түрі бойынша сынға түсіп, бағы мен бабын сарапқа салуда.

Жарыс «Қаражанбасмұнай» АҚ командасы үшін сәтті басталды. Арқан тарту сайысы бойынша жігіттер ерекше ептілік көрсетіп, қоржынға алғашқы жүлде салды. ҚБМ мұнайшылары алдымен ОКК, АНПЗ командаларымен кездесті. Біздің спортшылар әр түрлі әдістерді ұтымды қолдану арқылы қарсыластардан оза шауып, ақтық сында «ӨзенМұнайГаз» АҚ жұмысшыларымен сайысқа түсті. Нәтижеге сәйкес, ҚБМ командасы екінші орынға тұрақтап, күміс жүлдені қанжығалады.

Жеңімпаздар мен жүлдегерлерге дипломдар мен медальдар табысталды.

Айта кетейік, мұнайшылар арасындағы спартакиада төрт күнге жалғасады. Жарыстар кесте бойынша жеңіл атлетика, үстел тениисі, шахмат, волейбол, баскетбол, жүзу, шағын футбол, тоғызқұмалақ ойындарымен жалғасады.