Қор басшысы Катардың Сыртқы сауда жөніндегі министрі Ахмед Әл-Сайедпен кездесті

Кездесуде Нұрлан Жақыпов Катарды Қазақстанның Таяу Шығыстағы маңызды саяси әрі экономикалық серіктесі екенін атап өтіп, Қор бұл елмен сенімді және бауырлас қарым-қатынас орнатқанын жеткізді.

2024 жылы наурызда Қазақстан мен Катар арасында газ өңдейтін зауыттар салу, магистральді газ құбырларын, су және жылу энергетикасы нысандарын дамытуға бағытталған ірі инвестициялық жобаларды бірлесіп жүзеге асыру жөніндегі Үкіметаралық келісімге қол қойылды.

Аталған жобалар қазір жүзеге асырылу кезеңінде. Кездесу барысында Қазақстан-Катар іскерлік кеңесіне (ҚКІК) ерекше көңіл бөлінді. Қазақстан тарапынан кеңестің тең төрағасы – «Самұрық-Қазына», Катар тарапынан – Катардың Сауда-өнеркәсіп палатасы.