25 желтоқсан 2023, 08:57 723

Қор басшысы «Самұрық-Энерго» қызметкерлерімен кездесті

«Самұрық-Қазына» АҚ Басқарма төрағасы Нұрлан Жақыпов «Самұрық-Энерго» АҚ кеңсесінде болып, компания қызметкерлерімен кездесті. Жиында сөз сөйлеген Қор басшысы энергетикалық қауіпсіздік мәселелесінің маңыздылығына тоқталды.

Алдағы бес жылда кемінде 14 ГВт жаңа қуатты іске қосу міндеті тұр. Болжамдар бойынша, 9 ГВт-тан астам генерацияны «Самұрық-Қазына» Қоры қамтамасыз етеді, негізгі жүк «Самұрық-Энергоға» түседі.

Компания Алматы ЖЭО-ларын газға көшіру, «Богатырь» разрезіндегі циклдік-ағынды технологияға көшу, ГРЭС-1-де №1 энергоблокты қалпына келтіру сынды бірқатар басым жобаларды жүзеге асыруда. Сондай-ақ, шетелдік серіктестер – Total Eren, Acwa Power, CPIH және Masdar компанияларымен бірлесіп жүзеге асырылатын жаңартылатын энергия жобалары «Самұрық-Энергоға» берілді.

«Самұрық-Энерго» АҚ-ның 2023 жылғы 11 айдағы қызметінің қорытындысы тыңдалды. Табысты арттыру және инвестициялық жобаларды өз уақытында аяқтау жөнінде тапсырмалар жүктелді.