10 сәуір 2023, 12:15 1059

Кореяда теміржол инфрақұрылымына дрондар мониторинг жасайды

Фото: KRRI

Кореяның Теміржол көлік ғылыми-зерттеу институты (KRRI) дрондар мен жасанды интеллект технологиясын қолдана отырып, теміржол инфрақұрылымын автоматты түрде бақылайтын жүйені әзірлеп шықты, деп хабарлады Rail-news.kz.

Мамандар дрон арқылы теміржол көпірлерінің биіктегі жақтауларына мониторинг жасап, ақаудың бар, жоғын тексеріп отырады.

Дронға екі бейнекамера орнатылған, соның көмегімен тіректегі жарықшақ, қабыршақтану мен бетонның үгітілуі, арматураның тот басуы сияқты ақауларды анықтайды. KRRI мәліметінше, аталған жүйемен ақауларды анықтау дәлдігі 85 пайыздан асқан.

Технологияның көмегімен ақау анықталысымен, сол жердің арнайы картасы жасалып, жөндеу жұмыстары үшін мамандарға жіберіледі.

Еще больше новостей на нашем telegram-канале , подписывайся и будь в курсе!

К списку статей Следующая статья