05 шілде 2021, 12:22 435

Көшеттерге күтім

«Қаражанбасмұнай» АҚ коммерциялық блогы жұмысшылары облыстық балалар ауылына жиі барады. Сәуір айында өткен сенбілікте олар аталмыш аумаққа жүзден астам жеміс ағашын отырғызды. Әр апта сайын мұнайшылар жас өскіндерге күтім жасайды. Бұл жолы суару кестесіне сәйкес маркетинг, сатып алу, материалдық-техникалық жабдықтау базасының 40-тан астам қызметкері шықты.

«Ағаш отырғызу – бұл толық жұмыстың бір бөлігі ғана. Олар тамыр жайып, бүршік жарғанша ерекше күтім жасау керек. Бүгін біз ауланы толықтай арамшөптен тазарттық, талдарды суардық, бақшаны жандандырдық. Қоршаған ортаны қорғауға, әсіресе балалар үйінің ауласын жайқалтуға үлес қосу біз үшін үлкен қуаныш», – деді САжМТЖ департаменті директорының орынбасары Ерлан Сұлтан.

Демалыс күніне қарамастан, ұжым сенбілікке құлшыныспен қатысты. Өйткені, бұл балаларға игі іс жасауды үйретуге таптырмас мүмкіндік. Айта кетейік, қаражанбастықтар апта сайын бекітілген барлық әлеуметтік нысандарда көшеттерді суарып, күтім жасайды.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS