ҚР Кәсіподақтар федерациясы өкілдері А.Жақұтов атындағы 2-ЖЭО-ға келді

2025 жылдың 24 ақпанында А.Жақұтов атындағы 2-ЖЭО-ға Қазақстан Республикасы Кәсіподақтар федерациясының төрағасы Сатыбалды Дәулеталин жұмыс сапарымен келді. Сапардың мақсаты жаңа газ станциясының құрылысы жобасының жүзеге асырылу барысымен танысу және еңбек ұжымымен кездесу болды.

Бағдарлама аясында келген делегация құрылыс жұмыстары жүргізіліп жатқан нысанды аралап көрді, сондай-ақ «Алматы 2-ЖЭО-сын қоршаған ортаға тигізетін әсерін барынша азайта отырып жаңғырту» инвестициялық жобасы бойынша таныстырылыммен танысты. Шығарындыларды азайтуға және станцияның энергия тиімділігін арттыруға мүмкіндік беретін технологиялар көрсетілді. Кәсіпорын басшылығы заманауи стандарттарға көшу тұрақты дамудың жаһандық трендтеріне сәйкес келетінін атап өтті.

Сапардың маңызды бөлігі еңбек ұжымымен кездесу болды. Сатыбалды Дәулеталин қызметкерлермен әңгімелесіп, еңбек жағдайларын, әлеуметтік кепілдіктер мен кадрлық әлеуетті дамыту болашақтарын талқылады. Кәсіподақ ұйымының, өндірістік кеңестің және «Жарқын Болашақ» жастар ұйымының қызметіне ерекше назар аударылды.Төраға олардың жұмысшылардың құқықтарын қорғаудағы және жас мамандарды өндірістік міндеттерді шешуге тартудағы рөлін атап өтті. 

- «2025 жыл Жұмысшы мамандықтар жылы деп жарияланды. Бүгінде инженерлердің, энергетиктердің, құрылысшылардың – экономиканың негізін қалаушылардың еңбек беделін арттыру бұрынғыдан да маңызды», – деп мәлімдеді Сатыбалды Дәулеталин. Ол білікті кадрлар 2-ЖЭО-ны жаңғырту сияқты ауқымды жобаларды іске асырудың негізгі буыны болып табылатынын атап өтіп, кәсіптік білім беру мен тәлімгерлік бағдарламаларын белсенді дамытуға шақырды. 

«АлЭС» АҚ ұжымының лайықты жұмысын Кәсіподақтар федерациясының басшылығы жоғары бағалады. Кездесу барысында Каскад ГЭС токары Қонарбаев Асқар және «Энергожөндеу» ӨЖК 2-ЖЭО-дағы Электр жабдықтарын жөндеу цехының турбиналық жабдықтарды жөндеу жөніндегі шебері Авраменко Сергей «Еңбек озаты» медалімен марапатталды.

Сапар қызметкерлердің бастамаларын қолдауды және өндірістік процестерге «жасыл» технологияларды енгізуді қоса алғанда, кәсіподақтың кәсіпорынмен одан әрі ынтымақтастығы жөніндегі жоспарларды талқылаумен аяқталды.