ҚТЖ Ахмет Байтұрсынұлының туған күніне орай байқаулар өткізеді

«ҚТЖ» ҰК» АҚ Қазақстан халқының тілдері күні және ұлт ұстазы Ахмет Байтұрсынұлының туған күніне орай ағымдағы жылдың 10 қазанында «Үздік тіл маманы» және 11 қазанында «Ана тілім – ардағым» конкурстарын өткізуді жоспарлап отыр.

Аталған шаралардың мақсаты - мемлекеттік тілді құрметтеу және мемлекеттік тілдің қолданылу аясын одан әрі кеңейту, қазақстандық патриотизмді нығайту, мемлекеттік тілде іс жүргізу сапасын арттыру және ұлт ұстазының ұлы қызметін ұлықтау.

Конкурстарға «ҚТЖ» ҰК» АҚ-ның барлық құрылымдық бөлімшелері мен еншілес ұйымдарының қызметкерлері қатысады. Конкурстардың жеңімпаздары бағалы сыйлықтармен және дипломдармен марапатталатын болады.

Өтетін орны мен уақыты:

«Үздік тіл маманы» конкурсы – Д.Қонаев көшесі, 6, «ҚТЖ» ҰК» АҚ-ның әкімшілік ғимараты, А блогы, 1107 кабинет, қазақ тілі кабинеті. Басталуы: сағ.09:30-да.
«Ана тілім – ардағым» конкурсы – Д.Қонаев көшесі, 6, «ҚТЖ» ҰК» АҚ-тың әкімшілік ғимараты, 3-қабат, мәжіліс залы. Басталуы: сағ.09:30-да.