Главная Новости ҚТЖ: Арыс станциясы биыл жүз мың вагонға қызмет көрсетті
27 мамыр 2024, 16:45 385

ҚТЖ: Арыс станциясы биыл жүз мың вагонға қызмет көрсетті

ҚТЖ: Арыс станциясы биыл жүз мың вагонға қызмет көрсетті

Арыс-І станциясының тақ немесе В санатындағы сұрыптау паркі 22 жұп темір жолдан құралған. Жыл басынан бері мұнда 101 610 вагон қабылданып, өңделген.

Жүз мың вагонның 60 411-не жүк тиелген де, 41 199 вагон бос келгенімен станция қызметкерлері тарапынан бәріне тиісті қызмет көрсетілген. Сол сияқты пойыз қабылдау көрсеткіші де алдын ала жоспарланған межеден жоғары.

– Айталық, бір ғана сәуір айында Арыс станциясы 1 978 пойыз қабылдаған болса, оның 1 359-ы осында аялдап, тиісті қызметін пайдаланған. Ал 619 жылжымалы құрам транзиттік пойыз болғандықтан станция аумағынан өте шықты, – дейді станциядағы еңбек және жалақыны реттеу жөніндегі жетекші инженер Әсемгүл Қалдыбекқызы.

Жалпы, жылдың алғашқы 4 айында Арыс станциясының ұжымы 8 096 пойыз қабылдап, 8 235 пойыз құрастырып, жөнелткен. Станцияға келген жылжымалы құрамдар жағдайға қарай таратылып немесе қайта жинақталып, белгіленген бағыттар бойынша жолға шығарылады.

Станция инженері Қайрат Өмірбаевтың айтуынша, жүк вагондары негізінен 3 бағыт бойынша – «Солтүстік», «Оңтүстік», «Шығыстан» келеді. Ал сұрыптау паркіндегі бір ауысымдық жұмысқа 7 тепловоз бен 2 электровоз жұмылдырылады. Кезекшілік қызметке түскен маман мен 3 оператор, станция паркіндегі вагондарды асықша иіріп, 6 маман вагон жылдамдығын реттеумен айналысып, өндірістік көрсеткішті еселеуде.

Нұрлыбек Досыбай

Дереккөз: "Қазақстан теміржолшысы"

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: