ҚТЖ бас инженерлері модульдік оқытудан өтті

Фото: Александр Жабчук

Елордада «ҚТЖ» ҰК» «Темір жол көлігі персоналын бағалау және дамыту орталығы» филиалында өңірлік деңгейдегі бас инженерлерге арналған «Алғы шеп» оқытудың модульдік бағдарламасы бойынша жұмыстар аяқталды.

Салтанатты іс-шараға «Самұрық-Қазына» АҚ қоғаммен байланыс, әлеуметтік-еңбек қатынастары және еңбек қорғау бойынша атқарушы директор Ғибрат Ауғанов, «ҚТЖ» ҰК» АҚ басқарма төрағасының орынбасары Қанат Әлмағамбетов, «ҚТЖ» ҰК» АҚ аппарат басшысы Серік Кеулімжаев қатысты.

Екі ай ішінде үш модульдік оқытудан өңірлік деңгейдегі 33 бас инженер өтті. Бағдарлама қатысушыларының негізгі міндеті – алған білімін күнделікті операциялық қызметке енгізіп, сатылай арттыру.

Аталған оқуды құрудағы негізгі алғышарттар – тұрақты дамудың қазіргі заманғы сын-қатерлері, компанияның еңбек ұжымдарында әлеуметтік тұрақтылық пен қауіпсіздік жағдайын жақсарту қажеттігі болып отыр.

Оқыту іс-шарасының басты мақсаты – бас инженерлердің кәсіби және жеке іскерлік біліктіліктерін дамыту. Бұл жарақат алу деңгейін арттыруға, бөлімшелер қызметін басқаруда озық әдістерді енгізуге, бас инженер институтының жаңа мәртебесін жасауға, сонымен қатар тәжірибе алмасу мен нетворкинг алаңдарын құруға септік етеді.

Қорытынды жобаны сәтті қорғап болған соң командаларға түрлі номинациялар бойынша баға берілді және олар сертификаттармен марапатталды.