ҚТЖ-да оқу-жаттығулар өткізілді

Темір жол көлігінде қауіпті заттардың ағып кетуіне (шығарылуына) байланысты төтенше оқиғалардың (ТЖ) салдарын жою жөніндегі іс – қимылдарды пысықтау үшін техникалық сабақтар «ҚТЖ-Жүк тасымалы» ЖШС-ның барлық филиалдарында өткізілді.

Жоспардан тыс техникалық сабақтарға станциялардың, пайдалану локомотивтері мен вагон деполарының 19,5 мыңнан астам қызметкері қатысты. Іс-шаралар темір жолдағы оқиғаларға ден қою кезінде ҚТЖ мен ҚР ТЖМ іс-қимылдарының, күштері мен құралдарының тиімділігі мен үйлесімділігін арттыруға бағытталған.

1,1 мыңнан астам құрастырушы бригадалар практикалық сабақтарда қауіпті жүктермен тиелген вагондармен маневрлік жұмыс жүргізу кезінде сақтық шараларын зерделеді.

Қостанай, Семей, Ақтөбе, Қарағанды, Шымкент және Қызылорда жол бөлімшелерінде ТЖМ аумақтық бөлімшелерімен бірлесіп тасымалдау кезінде қауіпті жүктердің ағып кетуіне байланысты ТЖ жағдайында барлық шұғыл қызметтердің өзара іс-қимыл алгоритмі пысықталды.

Барлық филиалдарда қауіпті жүктердің ағып кетуін жою кезінде жұмыскерлердің бар-жоғына және арнайы киіммен, арнайы аяқ киіммен қамтамасыз етілуіне тексеру жүргізілді.