ҚТЖ делегациясы ШЫҰ мүше мемлекеттердің теміржол әкімшіліктері кездесуіне қатысты

Тараптар ШЫҰ-ға мүше мемлекеттер теміржол әкімшіліктері басшыларының 2023-2025 жылдарға арналған кездесу жоспарының іске асырылу барысы туралы пікір алмасты.

Қатысушылар ШЫҰ-ға мүше мемлекеттер теміржол көлігіндегі ғылыми-зерттеу қызметін дамыту және жаңа технологияларды енгізу бойынша жұмысты үйлестіру оның бәсекеге қабілеттілігін арттыратындығын, халықаралық көлік дәліздері бойынша тасымалдауды жүзеге асыру үшін, оның ішінде шекарадан өту рәсімдерін жеңілдету бөлігінде барынша қолайлы жағдайлар жасауға мүмкіндік беретінін атап өтті.

Тараптар темір жол көлігі саласында зерттеу бойынша жұмыс тобын құруды мақұлдап, ШЫҰ елдері теміржол кеңістігін интеграциялау жөніндегі кеңесін құруға қатысты өзбек тарапының бастамасын талқылады.