13 шілде 2023, 08:30 1525

ҚТЖ желісі бойынша жүк айналымы жарты жылда 9 пайыз өсті

2023 жылғы қаңтар-маусым айларының қорытындысы бойынша ҚТЖ желісінде 124 млн тоннадан астам жүк тасымалданды. Республикаішілік тасымалдар шамамен 80 млн тоннаны құрады. Экспортқа 44,4 млн тонна жөнелтілді. 51,6 млн тонна тас көмір тасымалданды.

Астық тасымалдау көлемі 30%, яғни 5,8 млн тоннаға дейін артты. Астық экспорты 35% артып, 4,7 млн тоннаға жетті. Ұнтақ өнімдерін тасымалдау 12% дейін, яғни 1,5 млн тоннаға дейін өсті.

2023 жылдың бірінші жартыжылдығында мұнай жүктерін тасымалдау өткен жылдың ұқсас көрсеткішіне қарағанда 3%, яғни 9,3 млн тоннаға дейін, құрылыс жүктерін 9%, яғни 7,6 млн тоннаға дейін, химиялық тыңайтқыштарды 6%, яғни 2,2 млн тоннаға дейін ұлғайды.

Пайдалану жүк айналымы өткен жылдың сәйкес кезеңімен салыстырғанда 9% өсіп, 134,5 млрд т-км неттоны құрады.

Еще больше новостей на нашем telegram-канале , подписывайся и будь в курсе!

К списку статей Следующая статья