ҚТЖ жылыту маусымына дайындық кезеңінде 17 млн тонна көмір тасымалдады

«ҚТЖ» ҰК» АҚ – «Интеграцияланған жоспарлау дирекциясы» филиалы директорының орынбасары Ғани Есенбаев ОКҚ алаңында өткен баспасөз конференциясында осындай деректерді келтірді. Оның айтуынша, жылыту маусымының тұрақты өтуіне ҚТЖ көмір тасымалдау бойынша Жол картасын орындайды.

«Коммуналдық-тұрмыстық көмір жеткізілімі өңірлерге бөлінген. Біз былтырғыдай ұйымдастырылған маршруттармен жөнелтуді жоспарлап отырмыз. Бүгінгі күні Қазақстан Республикасының аумағында тас көмір алуға дайын 336 кірме жол іске қосылды. Жылыту маусымына толық дайын екенімізді көріп отырмыз», - деді спикер.

Сондай-ақ, ҚТЖ өкілі көмір маршруттары өтетін ең тығыз учаскелерде жолдардың жоғарғы құрылысының шамамен 815 км жөнделгенін атап өтті. Маусымда барлығы 20 мыңға жуық «Қазтеміртранс» жартылай вагоны тартылады, оның 9,6 мыңы – ЖЭО, 9,6 мыңы – халықтың коммуналдық-тұрмыстық қажеттіліктері үшін.