ҚТЖ HR академиясы жаңа форматта жұмыс істейді

Пандемия кезінде оқыту онлайн форматта өткендіктен, ол білім беру мен дағдыларды үйрету сапасына әсер етті. Биылғы жылы оқыту гибридті форматта (оффлайн/онлайн) ұйымдастырылды.

Оқыту бағдарламасы адами ресурстарды басқару жүйесіне кешенді тәсілден тұрады, қолданбалы сипатқа ие және ұйымдық тиімділікті арттыру мен «ҚТЖ» ҰК» АҚ HR стратегиясын өңірлік деңгейде іске асыруға бағытталған.

Алғаш рет кадрлық қызмет қызметкерлерімен қатар мұнда еңбек және жалақы жөніндегі менеджерлер де оқуда. Өңірлік құрылымдардың, филиалдардың және еншілес ұйымдардың 90-нан астам өкілі үш күнге дейін кадрлық іс жүргізу, жиынтық сыйақы, корпоративтік мәдениет, рекрутинг мәселелеріне кірісіп, жеке-іскерлік қасиеттерді (ішкі коммуникациялар, жанжалдарды басқару, цифрлық дағдылар, эмоциялық интеллект және тағы басқа) дамытумен айналысатын болады.