ҚТЖ командасы – көш басында

Акцияға өңірдегі ҚТЖ, «Ембімұнайгаз», облыстық экология департаменті, құқық және заң колледжі командалары қатысып, өзара сайысты. Темір жолдан Атырау жүк тасымалы бөлімшесі аппараты мен локомотив пайдалану депосынан барлығы 20 адам қатысты.

Сайыс шарты бойынша қоқыстарды жинай жүріп белгілі бір қашықтыққа жүгіру керек. Сайыс барысында қоқысты ең көп жинаған және діттеген жерге бірінші жеткен ҚТЖ командасы болды. Олар 50-ге жуық қапшыққа қоқыс жинап, бәрінен алға озды. Нәтижесінде бірінші орынды иеленіп, ұйымдастырушылар белгілеген 50 мың теңге жүлдені ұтып алды.

Сөйтіп, Жайық өзені бойын қоқыстан тазартып, экологиялық жағдайдың жақсаруына өз үлестерін қосты.