04 қыркүйек 2018, 14:42 2302

ҚТЖ: көмір бағасы қымбаттамайды

Сурет: ашық дереккөзден

Бұл мәселеде «ҚТЖ» ҰК» АҚ вагон парктерін басқару операцияларын жүргізу үшін қойылатын мөлшерлеменің көтерілмейтініне кепілдік беруде. Ағымдағы жылдың соңына дейін тасымал көлемін орындау бойынша арнайы хаттама толтырылған.

Компанияда көмір тасымалы бойынша штаб құрылып, жүк жөнелтушілер өтінімін қанағаттандыру, сонымен қатар вагондар айналымын орындау бойынша тәуліктік бақылау қойылған. «ТЭЦ», «ГРЭС» қоймаларындағы қатты отын қоры қалдықтарына, сондай-ақ, халықта көмірдің бар-жоқтығына тәуліктік мониторинг жүргізілуде.

Жалпы 2018 жылдың басынан бері «ҚТЖ» ҰК» АҚ желілері бойынша 65 млн тоннадан астам көмір тиелген. Бұл ретте елішілік қатынаста 45,1 млн тоннадан астам көмір тасымалданса, тұтынушылардың коммуналдық-тұрмыстық қажеттіліктеріне 5,5 млн тонна көмір жеткізілген.

Жыл аяқталғанға дейін 106,5 млн тонна көмір тасымалдау жоспарлануда. Соның ішінде тұтынушылар үшін 71,9 млн тонна көзделіп, бұл 2017 жылдағы тасымал көлемінен 3,5%-ға жоғары болмақ.

«ҚТЖ» ҰК» АҚ аталып отырған жүк көлемін тасымалдауға жылжымалы құрам саны жеткілікті екенін мәлімдеуде. Әр түрлі жеке меншік иелерінен 54 мыңға жуық ашық вагон жұмылдырылған. Коммуналдық-тұрмыстық көмір тасымалы үшін 9 мыңға жуық ашық вагон қолданылуда.

Еще больше новостей на нашем telegram-канале , подписывайся и будь в курсе!

К списку статей Следующая статья