ҚТЖ көмір тасу жоспарын 102 пайыз орындады

Оның ішінде еліміздің жылу электр орталықтарына 29,8 млн тонна жеткізілді, жоспар 101% орындалды. Тұрғындардың коммуналдық-тұрмыстық қажеттіліктері үшін 5,1 млн тонна тиелді. Бұл ретте тиеу жоспары 108% орындалды.

Қатты отынды тасымалдау үшін «Қазақстан Темір Жолы» ҰК» АҚ – «Қазтеміртранс» АҚ еншілес кәсіпорны паркінің 17,3 мың жартылай вагоны жұмылдырылды, оның ішінде 8,7 мыңнан астамы қатты отынды жылу электр орталықтары үшін, ал 8,6 мыңнан астамы тұтынушылар үшін жеткізеді.

Көмір разрезі өкілдерінің қатысуымен ҚТЖ штабы Қазақстан бойынша көмір тасымалдауды үйлестіреді. Барлық туындаған мәселелер жедел түрде шешіледі.  

Өңірлерде жүк жөнелтушілерді вагондармен уақтылы қамтамасыз ету және жүктерді жеткізу мерзімдерін қысқарту бойынша шаралар қабылдануда.