ҚТЖ мамандары облыс орталықтарында студенттерге дәріс оқыды

«ҚТЖ» ҰК» АҚ бөлімшелерінің басшылары мен мамандары теміржол көлігінің бейінді оқу орындарының студенттері үшін таныстыру дәрістерін өткізу тәжірибесін енгізуді жалғастыруда. Дәрістер Астана, Алматы, Ақтау, Ақтөбе, Павлодар және Жезқазған қалаларында өтті.

Дәрістер жүк тасымалы және теміржол инфрақұрылымын дамыту саласындағы өзекті мәселелерге арналды. Компания қызметкерлері өз тәжірибелерімен және білімдерімен бөлісті. Дәрістерде темір жолды, жылжымалы құрамды жөндеудің заманауи технологиялары, тепловоздардың ерекшеліктері, көлік-логистикалық процестерді цифрландыру және темір жол көлігінде кешенді қауіпсіздікті қамтамасыз ету сияқты маңызды тақырыптар қамтылды.

Ұйымдастырушылар өз тәжірибелері мен білімдерін саланың болашақ мамандарына бере отырып, студенттерді теміржол көлігі саласындағы жаңа жетістіктерге шабыттандыру мақсатында барынша қызықты және пайдалы дәрістер дайындады.

Дәріске қатысушылар компанияның Ақмола, Павлодар Маңғыстау және Қарағанды бөлімшелерінің мамандарынан, Магистральдық желі дирекциясының өкілдерінен алған практикалық білімдері үшін алғыстарын білдірді.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS