ҚТЖ Наурыз мейрамына орай «Керуен Экспресс» және «Jibek Joly» туристік пойыздарын іске қосады

Наурыз мейрамы қарсаңында «Жолаушылар тасымалы» АҚ Қазақстан мен Өзбекстан арасындағы туристік байланыстарды кеңейту мақсатында «Керуен Экспресс» және «Jibek Joly» пойыздарын іске қосады. Жолаушылар қос елдің бай мәдени мұрасын тамашалап, Наурыз мейрамын Қазақстан мен Өзбекстанда қалай тойланатынын көріп, ұлттық дәстүрлердің ерекше үйлесімін сезіне алады. «Керуен Экспресс» туристік пойызы Алматыдан шығып, «Алматы-Түркістан-Ташкент-Самарқанд-Тараз-Алматы» бағыты бойынша жүреді. Саяхат ұзақтығы 7 күн – 2025 жылғы 21-27 наурыз аралығында.

«Jibek Joly» пойызы да Алматыдан жолға шығып,«Алматы-Түркістан-Ташкент-Самарқанд-Алматы» бағытымен қатынайды. Бұл тур 6 күнге созылады – 2025 жылғы 20-25 наурыз аралығында өтеді. Бұл тур ҚТЖ-ның ұйымдастыруымен, «Өзбекстан темір жолдары» компаниясы, ҚР Туризм комитеті, ҚР Көлік министрлігі, Kazakh Tourism және Тараз бен Түркістан облысы әкімдіктерінің қолдауымен жүзеге асырылады.