ҚТЖ теміржолдағы қауіпсіздік ережелерін қатаң сақтауға шақырады

ҚТЖ мемлекеттік органдарға теміржол өткелдеріндегі ереже бұзушылықтар үшін жауапкершілікті күшейту жөнінде ұсыныс білдіруді жоспарлап отыр. Бұл бастама қозғалыс қауіпсіздігін арттыруға және жолаушылар мен теміржол қызметкерлерін қорғауға бағытталған.

Бұған дейін ҚТЖ “Әкімшілік құқық бұзушылық туралы” ҚР Кодексіне өзгерістер енгізу бастамасын көтеріп, белгіленбеген жерлерден өту, жолақтарда мал жаю және қозғалыс қауіпсіздігін бұзу жағдайларына жазаны қатайтуға ұсыныстар енгізген.

2025 жылғы қаңтар-ақпанда теміржол өткелдерінде 4 жол-көлік оқиғасы орын алды. 1 наурызда Тендік станциясында жүк көлігі пойызбен соқтығысып, локомотив пен 11 вагон рельстен шығып кетті, машинистер зардап шекті. 2024 жылы 26 ЖКО тіркелді.

ҚТЖ барша жүргізушілерді теміржолдағы қауіпсіздік ережелерін қатаң сақтауға шақырады.