07 қараша 2022, 14:31 896

Қытай жүрдек пойыз технологиясын басқа елге алғаш рет бермек

Қытайлық компаниялар Пәкістанда жүрдек пойыздарды құрастыру процесін ұйымдастыруға кірісіп кетті, деп хабарлады Rail-news.kz.

Қытай орталық телеарнасының хабарлауынша, көрші ел жылдамдығы 160 км/сағ болатын жолаушылар пойызын шығару жөніндегі ұлттық технологияны алғаш рет өзге елге бергелі отыр.

Бұған дейін Қытайдың солтүстігіндегі Тяньцзинь портында 46 вагон жүк кемесіне тиелген, ол жақын арада Пәкістанға жеткізіледі. Сонымен қатар, Пәкістан тарапы жақын арада тағы 184 теміржол көлігін құрастыру үшін қажетті құрамдас бөліктерді алады.

Осылайша ҚХР қытайлық жоғары жылдамдықты жолаушылар пойызының өндірісін Пәкістанда іске асыра бастамақ. Аталған жоба «Бір белдеу – бір жол» бастамасы бойынша жүзеге асып отыр.

Бұл Пәкістанның теміржол технологияларын жаңғыртуға мүмкіндік береді деп болжануда.

Еще больше новостей на нашем telegram-канале , подписывайся и будь в курсе!

К списку статей Следующая статья