23 қыркүйек 2024, 09:20 1124

Қытай мен Қазақстан Ақтау портында контейнерлік хаб құрады

Сиань қаласында (Қытай) өткен 8-ші "Жібек жолы" халықаралық көрмесі аясында "KTZ Express" АҚ (ҚТЖ еншілес компаниясы), "Ляньюньган порты МК " ЖШҚ және "Ақтау теңіз сауда порты" ҰК" АҚ арасында "Ақтау портындағы контейнерлік хаб салу" жобасын іске асыру үшін бірлескен кәсіпорынның құрылтай құжаттарына қол қойылды.

Контейнерлік хаб құру жобасы екі ел үкіметтерінің қолдауына ие болды және "Бір белдеу, бір жол" жаһандық бастамасы аясында жүзеге асырылуда. Жобаны іске асыру Қазақстанның халықаралық логистикалық жүйедегі ұстанымын күшейтеді және көлік-логистикалық саланы дамыту үшін жаңа перспективалар ашады.

Еуразиялық көлік жүйесінің маңызды буындарының біріне айналатын Транскаспий халықаралық көлік бағдарының (ТХКБ) бойындағы контейнерлік хабтың орналасуы маршруттың тартымдылығын одан әрі арттыруға және транзиттік тасымалдау көлемін ұлғайтуға мүмкіндік береді.

Ляньюньган порты KTZ Express-тің стратегиялық серіктесі болып табылады, оның ынтымақтастығы 10 жылдан астам уақыт бойы жалғасып келеді. Осы уақыт ішінде екі бірлескен жоба: Ляньюньган портындағы қазақстан-қытай терминалы және Орталық Азиядағы ең ірі Құрғақ порт Khorgos Gateway іске асырылды.

Еще больше новостей на нашем telegram-канале , подписывайся и будь в курсе!

К списку статей Следующая статья