Қытай темір жол арқылы Еуропаға жүк жөнелту тиімділігін арттырады

Қытай өзге тараптармен бірлесе отырып Еуропаға темір жол арқылы жеткізілетін жүктердің тиімді әрі қауіпсіз жетуін дамыта түседі», – делінген Қытай басшысының Цзянсу провинциясында (елдің шығыс бөлігі) өтіп жатқан темір жол тасымалы саласындағы қытай-еуропалық халықаралық ынтымақтастық форумына қатысушыларға жолдаған хабарламасында.

Оның айтуынша, Бейжің бейбіт, ашық және инклюзивті ынтымақтастыққа, тәжірибе алмасуға және өзара тиімді әрекеттесуге ұмтылады.

Сондай-ақ Си Цзиньпин Қытайдан Еуропаға теміржол тасымалы «халықаралық жеткізу тізбегінің тұрақтылығын тиімді қамтамасыз ететінін» атап өтті.

Айта кетсек, бүгінгі таңда Қытай мен Орталық Азияда өндірілген тауарлардың 80 пайыздан астамы Қазақстан арқылы тасымалданады. Осы жағдайды ескере отырып, Транскаспий халықаралық көлік жолы континенттік сауда картасында барған сайын маңызды рөл атқарады.

Премьер-Министрдің бірінші орынбасары Роман Скляр таяуда Қытайға барған сапарында еліміздегі желілер арқылы Еуропаға өткен жүк тасымалында оң динамика байқалатынын атап өткен.

«Өткен жылы тауарды жөнелту екі есеге артып, шамамен 1,7 миллион тоннаны құрады; осы жылдың бес айында тауар ағыны 64%-ға өсті. Биыл біз жол бойындағы жүк ағынын орта мерзімді перспективада 10 миллион тоннаға жеткізуге мүдделіміз. Өз кезегінде Қазақстан неміс және еуропалық серіктестердің өсіп келе жатқан қажеттіліктерін қанағаттандыру үшін порт нысандарын ұсынуға дайын», – деді Роман Скляр.