26 қаңтар 2022, 11:00 1867

Қызметке лайық құрмет

«Доссормұнайгаз» кәсіподақ комитетінің төрағасы Мақат ауданының Құрметті азаматы атанды. Бұл туралы «Ембімұнайгаз» АҚ баспасөз қызметі хабарлады.

Жұмысшылардың әлеуметтік-кәсіби мүдделерін көздеуде белсене еңбек етіп жүрген «Доссормұнайгаз» мұнай-газ өндіру басқармасының Кәсіподақ комитетінің төрағасы Самат Мұхамбетов Мақат ауданының Құрметті азаматы атанды.

Оған жоғары марапатты аудан әкімі Шәкір Кейкин табыстап, өңірдің әлеуметтік-экономикалық дамуы мен тұрақтылығын сақтауға қосқан үлесі үшін ризашылығын білдірді.