Главная Новости Қызылордада «Қазгермұнай» БК» ЖШС демеушілік қаражатына салынған Оқушылар сарайы ашылды

02 қазан 2024, 10:43 745

Қызылордада «Қазгермұнай» БК» ЖШС демеушілік қаражатына салынған Оқушылар сарайы ашылды

Қызылорда қаласында Оқушылар сарайының салтанатты ашылу рәсімі өтті. Іс-шараға Қызылорда облысының әкімі Нұрлыбек Нәлібаев, «ҚазМұнайГаз» ҰК АҚ Басқарма төрағасының бірінші орынбасары Құрманғазы Есқазиев, «Самұрық-Қазына» АҚ басқарушы директоры Ғибрат Ауғанов қатысты.

Көпфункционалды әлеуметтік нысанның құрылысын «Қазгермұнай» БК» ЖШС (бірлескен кәсіпорындағы қатысу үлестерін «ҚазМұнайГаз» ҰК АҚ және «ПетроҚазақстан Құмкөл Ресорсиз»АҚ тепе-тең негізде иеленеді) қаржыландырды. Жобаның құны 2,4 млрд теңгені құрады. Оқушылар сарайын салу жұмыстары 2023 жылдың желтоқсанында басталды.

350 балаға арналған көпфункционалды заманауи кешен 3 мың шаршы метрді алып жатыр. Жаңа сарайда техникалық орталық, бағдарлама жасақтау, робот техникасы және өнеркәсіптік дизайн сыныптары, экологиялық зертхана, жылыжайлар мен консерватория, телестудия, вокал, музыкалық аспаптар және хореография сабақтарына арналған сыныптар бар.

«Қазгермұнай» БК» ЖШС жыл сайын қайырымдылық, демеушілік қызметке және өңірдің ірі әлеуметтік жобаларын іске асыруға атсалысады. Компания атынан бұл шараларға шамамен 150 млн теңге бөлінеді.

Ашылу салтанатына қатысқандар жаңа нысан Қызылорда жасөспірімдерінің жан-жақты дамуы мен бос уақытын тиімді өткізу үшін оңтайлы мүмкіндіктері бар білім және тәрбие орталығына айналатынына сенім білдірді.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS