Главная Новости Лондонда инвестициялық келісімдер жасалды
Маңызды02 қазан 2018, 18:01 1283

Лондонда инвестициялық келісімдер жасалды

Лондонда инвестициялық келісімдер жасалды Сурет: «Самұрық-Қазына» ҰӘҚ» АҚ Қоғаммен байланыс және маркетингтік коммуникациялар департаменті

Лондондағы Қазақстанның инвестициялық форумы аясында «Самұрық-Қазына» АҚ Басқарма төрағасы Ахметжан Есімов Еуропалық қайта құру және даму банкінің президенті Сума Чакрабарти мырзамен кездесті.

Тараптар кездесу нәтижесі бойынша «ШалқияЦинк ЛТД» және ЕҚҚДБ арасында 2017 жылдың маусымында жасалған кредиттік келісімге кепілдік беру туралы келісімге қол қойды. Қор Қызылорда облысындағы Шалқия кен орнында байыту фабрикасының құрылысын қаржыландыруға тартылатын 295 млн АҚШ доллары сомасындағы міндеттемелерге кепілдік беруші болып отыр.   

«Шалқия – Қордың ЕҚҚДБ-мен ынтымақтастығындағы негізгі жобалардың бірі. Еліміздің ең ірі қорғасын-мырыш кен орнында байыту фабрикасының салынуы жылына мырыш концентратында 100 мың тоннаға жуық мырышты, қорғасын концентратында 20 мың тонна қорғасынды өндіруге мүмкіндік береді», -деп атап өтті кездесу барысында Ахметжан Есімов.

Сонымен қатар «ШалқияЦинк ЛТД» және Engineering Dobersek GmbH арасында кен байыту фабрикасының құрылысын толық аяқтау туралы келісімшарт жасалды. Бұл Шалқия бойынша жобаны жүзеге асырудағы келесі қадамға айналып отыр. Аталған неміс компаниясын ЕҚҚДБ-нің сатып алу ережелеріне және талаптарына сәйкес өткізілген екі кезеңдік сауда-саттық қорытындысы бойынша жоба мердігері (Plant-Design&Build) таңдады. Жоба құны 651 млн АҚШ долларын құрайды. Жоспар бойынша кәсіпорынның бірінші кезегі 2020 жылы іске қосылады.

«Біз ЕҚҚДБ-мен ынтымақтастықтың аясын кеңейтуге дайынбыз. Мәселен, биыл және келесі жылы жекешелендіру тізімінде 100-ден астам нысан бар. Бизнес тұрғысынан алсақ, олардың барлығы тартымды», - деді Ахметжан Есімов.

Қор басшылығы Лондондағы инвестициялық форумда британдық компанияларға «Самұрық-Қазына» компаниялар тобының инвестициялық мүмкіндіктерін таныстырды. Форумның ашылуында сөз сөйлеген Ахметжан Есімов әлеуетті инвесторларды мемлекеттік активтерді жекешелендіру бағдарламасына қатысуға және Қазақстандағы үш арнайы экономикалық аймақтың аумағында бірлескен кәсіпорындарды құру мүмкіндігін қарастыруға шақырды. 

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: