Маңғыстау Самұрық Жастары “Ысырапсыз өндіріс/Lean” тренингіне қатысты

Маңғыстау Самұрық Жастарының жылдық жоспары аясында “Ысырапсыз өндіріс/Lean” тренингі өтті. Қор құрамындағы компаниялардың жас мамандарына арналған іс-шараға 25-ке жуық жас маман қатысты. Олар Lean/Ысырапсыз жүйесін енгізудің негізгі қағидаларын меңгерді.

Тренинг барысында қатысушылар өндірістік ысырап шығындарды азайту, процестерді оңтайландыру, қызметкерлердің жұмыс тиімділігін арттыру және ЫӨ құралдарын қолдану әдістері бойынша тәжірибелік білім алды. Жас мамандар еліміздің өндіріс орындарында Ысырапсыз көзқарас жүйесін қалай тиімді енгізуге болатынын талқылап, өзара тәжірибе алмасты.

Тренер ретінде Lean-эксперт, ОСК ЖШС инженері “СК” АҚ ЖМК төрағасы Мүтәлі Әділет және ӨМС ЖШС бұрғылау көмекшісі, Маңғыстау облысы “СК” АҚ ЖМК төраға орынбасары Сәбит Қаржаубайұлы болды.

Тренинг нәтижесінде қатысушылар жаңа білім алып, өз компанияларында ЫӨ жүйесін енгізуге ынталанды. Осындай білім беру шаралары жас мамандардың кәсіби дамуына үлкен үлес қосатыны сөзсіз.