Маңғыстауда дін мен дәстүр аясында кездесу болды

Облыс әкімі Нұрлан Ноғаевпен бекітілген «Маңғыстау облысы бойынша 2023 жылға арналған халықтың мақсатты топтарына ақпараттық-түсіндіру жұмыстарын жүргізу іс-шаралары жоспары» аясында өткізілген кездесуге Маңғыстау облыстық дін істері басқармасының бөлім басшысы Ж. Қалмұрзаев және осы басқарманың теолог-маманы Д. Жайшылықов қатысты.

Жиынды ашқан «Маңғыстаумұнайгаз» АҚ теологы Ержан Таңжарықов бұл кездесудің маңыздылығына тоқтала келе,осы бағытта атқарылған шаралар туралы баяндады.

Ж. Қалмұрзаев діни экстремизм мен терроризмге қарсы шараларды қолданудың бір құралы – осындай ірі мекемелер мен ұйымдардағы түсіндіру жұмыстары екенін айтты.

Кездесу соңында Д. Жайшылықов қызметкерлердің көкейіндегі сұрақтарға жауап берді. Сондай-ақ, қандай да бір сұрақтар туындаған жағдайда сенім телефонына хабарласуға болатынын нақтылады.