Маңғыстаумұнайгаз: Ашық диалог

Жиында «Маңғыстаумұнайгаз» АҚ бас директоры Мұрат Мұстафаев ұжымды мұнай өндіру, ұңғымаларды бұрғылау саласындағы негізгі өндірістік көрсеткіштермен таныстырып, жүргізіліп жатқан геологиялық барлау жұмыстары, кәсіпорынның қаржылық-экономикалық көрсеткіштері, әлеуметтік және кадрлық саясат және т.б туралы егжей-тегжейлі баяндады. Бас директор өндірістегі жазатайым оқиғалардың алдын алу мақсатында мұнайшыларды жұмыстарды орындау кезінде қауіпсіздік ережелерін қатаң сақтауға шақырып, еңбек қауіпсіздігі және еңбекті қорғау мәселелеріне үлкен көңіл бөлді.

Кездесулер соңында дәстүр бойынша еңбек ұжымы тарапынан сұрақтарға кезек берілді. Жетібай мен Қаламқас мұнайшылары өздерін қызықтырған сұрақтарын қойып, компания басшылығымен өз ұсыныстары мен ойларын ортаға салды.

Барлық сұрақтар мен ұсыныстарды мұқият тыңдаған Мұрат Мұстафаев бөлімшелердің басшыларына қойылған сұрақтардың мәні бойынша тиісті шара қолдануды тапсырды.