14 сәуір 2023, 16:25 1656

Маңғыстаумұнайгаз басқармасы Жетібайда есептік кездесу өткізді

Жетібай кенорнында «Маңғыстаумұнайгаз» АҚ басқармасының 2023 жылдың І-тоқсаны қорытындысы бойынша «Қаламқасмұнайгаз» ӨБ еңбек ұжымымен есептік кездесуі болып өтті. Басқарма мүшелері мұнайшыларға компанияның негізгі көрсеткіштері мен тыныс тіршілігі туралы баяндап берді.

Жиында еңбек қауіпсіздігі және еңбекті қорғау саласындағы негізгі көрсеткіштері жөнінде, кен орындардағы мұнай-газ қоры, копанияның мұнай-газ өндіру жоспарының орындалуы, геологиялық-барлау жұмыстары, экономикалық көрсеткіштер, кадрлық және әлеуметтік саясат туралы баяндама жасалды.

«Маңғыстаумұнайгаз» АҚ бас директоры Мұрат Мұстафаев жиынға қатысушыларға Әлеуметтік өзара іс-қимыл және коммуникациялар орталығы дайындаған компаниямыздағы әлеуметтік тұрақтылық деңгейін зерттеу жұмыстарының қорытындысы туралы айтып берді.

Кездесуде бас директордың әкімшілік және әлеуметтік мәселелер жөніндегі орынбасары Нұрпейіс Сәрсенбай мұнайшыларды компанияның жаңа ұжымдық шартының жобасымен таныстырды.

Жиын соңында Жетібай кенорны еңбеккерлері басшылыққа сұрақтарын қойып өтініштерін жеткізді. Мұнайшылар көкейлерінде жүрген экологияға, кәсіби дәрежені көтеру, еңбекақы мен сыйақы төлеу, жұмыспен қамту сияқты сұрақтар қойып басшылық тарапынан толыққанды жауаптар алды.

Еще больше новостей на нашем telegram-канале , подписывайся и будь в курсе!

К списку статей Следующая статья