Маңғыстаумұнайгаз басшылығы компания зейнеткерлерін құрметті демалысқа шығуымен құттықтады

Іс-шараны аша отырып, «Маңғыстаумұнайгаз» АҚ бас директоры Мұрат Мұстафаев, бұл кездесудің Алғыс айту күнімен тұспа-тұс өтіп жатқанының өзінде символдық мән бар екенін айтып, қатысып отырған ардагерлер мен зейнеткерлердің әрқайсысы үлкен алғыс пен зор құрметке екі есе лайық екенін атап өтті.

- Жақында біз сіздермен бірге компанияның өндірістік және қаржылық міндеттерін бірге шештік, перспективалы жобаларды талқыладық және қорытындыладық, енді сіздер үшін өмірдің жаңа кезеңі келді. Өмірдің жаңа кезеңінің әр күні қуаныш пен жарқын оқиғаларға толы болсын! Ұзақ та адал және жанқиярлық еңбектеріңіз үшін, біздің кәсіпорынның дамуына қосқан өзіндік үлестеріңіз үшін рақмет! Біз Сіздер жасаған істі бағалап қана қоймай, барлық бастамаларыңызды дамытып, дәстүрлі түрде жалғастыратын боламыз, - деді Мұрат Мұстафаев.

Сондай-ақ, шақырылған қонақтарды Бас директордың орынбасарлары, «Қаламқасмұнайгаз», «Жетібаймұнайгаз» өндірістік басқармаларының басшылары, кәсіподақ комитетінің төрағалары құттықтап, сөз сөйледі.

Өз кезегінде ардагер мұнайшыларымыз Жолдас Тоқжанов, Сағын Қырымқұлов, Мұратбай Жақсығатовтар «Маңғыстаумұнайгаз» АҚ Басқармасына жылы қабылдағаны үшін алғыстарын айтып, құрметті еңбек демалысына жаңадан шыққан зейнеткерлерге мықты денсаулық, отбасыларына амандық тілеп, ақ тілектерін арнады.

Бүгінде «Маңғыстаумұнайгаз» АҚ есебінде 1540-тан астам зейнеткер тұр. Компаниямыз өзінің жеткен көптеген жетістіктерінің жаршысы - зейнеткерлеріне, олардың адалдығына, таланты мен еңбекқорлығына құрметпен қарайды.