Маңғыстаумұнайгазда жазғы спартакиада бастау алды

Спартакиаданың іріктеу ойындары спорттың 11 түрі бойынша өткізіледі: шағын футбол, волейбол, баскетбол, армрестлинг, жүзу, асық ату, тоғызқұмалақ, арқан тарту, киберспорт, шахмат және үстел теннисі. Жарысқа «Маңғыстаумұнайгаз» АҚ, «Oil Services Company», «Мұнайтелеком», «Oil Construction Company», «Ойл Транспорт Корпорейшэн» және «Маңғыстауэнергомунай» жұмыскерлері қатысады.

Салтанатты ашылу рәсімі барысында «Маңғыстаумұнайгаз» АҚ басшылығы мен кәсіподақ комитеті, сондай-ақ сервистік компаниялардың басшылары қатысушыларды Ойындардың басталуымен құттықтап, жарыста адал және нәтижелі сайыс болуын, сәттілікпен жеңіске жетуді тіледі.

Ойындардың бірінші іріктеу күнінде 26 маусымда арқан тарту және армрестлинг бойынша жарыстар өтті. Бірінші күн біздің спортшылар үшін бірден сәтті болды: «Маңғыстаумұнайгаз» АҚ-ының үш жұмыскері армрестлингтен жарыстардың чемпиондары атанды, олар: С. Нұрбаев («ҚМГ» ӨБ), Д. Әбубәкіров («ЖМГ» ӨБ) және Г. Смадияров («ЖМГ» ӨБ).

Іріктеу жарыстарының жеңімпаздары ағымдағы жылдың тамыз айында Павлодарда өтетін «ҚазМұнайГаз» ҰК» АҚ спартакиадасының финалдық бөлігіне қатысады.