Главная Новости Маркетплейс тауарларын Қазпошта жеткізіп береді
16 тамыз 2021, 10:11 722

Маркетплейс тауарларын Қазпошта жеткізіп береді

Маркетплейс тауарларын Қазпошта жеткізіп береді

Ұлттық пошта операторы шетелдік және отандық электрондық сауда алаңдарымен серіктестікті белсенді дамытуда. Қазақстандықтар үшін Ozon интернет-дүкеніне берген тапсырыстарын өздеріне ыңғайлы пошта бөлімшелерінен алуға мүмкіндік бар. Қазпошта маркетплейспен еліміздің аумағына интернет-тапсырыстарды жеткізу бағытында келісімге қол қойды.

Тараптардың келісіміне сәйкес, Ozon өз клиенттерінің тапсырыстарын Ресейден Қазпоштаның сұрыптау орталықтарына жеткізеді. Содан кейін Қазпошта сәлемдемелерді еліміздің қалалары мен ауылдарына жолдайды. Олар Қазақстанның аумағындағы 2 мың пошта бөлімшесі арқылы беріледі. Ыңғайлы пошта бөлімшесін клиенттің өзі тапсырыс беру барысында таңдай алады.

«Біз үрдістердің, жалпы әлемдегі өзгерістерді және клиенттердің сұранысын ескереміз. Пандемия бұрын басталған процестерді дамыта түсті. Мәселен, электрондық коммерция мен онлайн-сервистердің белсенділігі бірнеше есе өсті. Бұл бағытта инфрақұрылымы кең және қалыптасқан логистикалық тізбегі бар Қазпошта белсенді дамып келеді. Электрондық коммерцияны дамыту және клиенттерімізге қолайлы жағдай жасау мақсатында біз отандық және шетелдік электрондық сауда алаңдарымен әріптестік орнаттық. Ірі маркетплейстердің біріне айналған компаниямен де серіктестігіміз жемісті болатынына сенеміз», – деп атап өтті «Қазпошта» АҚ Басқарма төрағасы Қанат Алпысбаев.

Қазпошта дәстүрлі қызметтер тізімін сақтай отырып, сұранысқа ие жаңа сервистерді енгізуде. Оның ішінде компания электрондық сауданы дамыту бағытында қазақстандық интернет дүкендерге Өзбекстанға шоғырландырылған пошта жөнелтілімдерін жеткізуді, жүк тасымалдауды, фулфилмент-орталықтар қызметтерін алға тартса, ал сатып алушыларға кэшбэк-сервистер және Post.kz сайтындағы «маркетплейстер витринасы» арқылы тиімді онлайн-сатып алуды және тапсырыстарды еліміздің ең шалғай ауылдарына жеткізуді ұсынады.

«Қазпоштамен ынтымақтастық бізге бүкіл ел бойынша клиенттер үшін жеткізу шарттарын жылдам жақсартуға мүмкіндік береді. Енді республиканың ең шалғай өңірлеріндегі клиенттер Ozon-дағы тапсырыстарын үйіне жақын жерден алады. Логистиканы одан әрі дамыту бізге Ozon-дағы миллиондаған тауарды Қазақстанға жеткізу мерзімін бірнеше есе қысқартуға мүмкіндік береді», – деді Ozon Халықаралық бизнес директоры Степан Гусамов.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: