24 ақпан 2022, 10:00 1447

ММГ жұмысқа қабылдау туралы ақпаратты жоққа шығарды

Бүгінгі таңда WhatsApp желісінде «Маңғыстаумұнайгаз» акционерлік қоғамына жұмысқа қабылдау жүріп жатқаны туралы ақпарат таратылуда, деп хабарлады компанияның баспасөз қызметі.

Осыған байланысты, Компанияға жұмысқа қабылдау басталмағанын, әзірге жұмысқа орналастыру механизмі ғана әзірленіп жатқанын хабарлаймыз. Жұмысқа қабылдаудың нақты және әділ алгоритмі анықталғаннан кейін арнайы комиссия құрылады.

«Жұмысқа орналасуға қатысты барлық жаңалықтар компанияның ресми сайтында және «Фейсбук» пен «Инстаграмның» ресми парақшаларында дереу жарияланатын болады. Сіздерден тек ресми ақпаратқа сену сұралады» делінген компания таратқан баспасөз хабарламасында.

Еще больше новостей на нашем telegram-канале , подписывайся и будь в курсе!

К списку статей Следующая статья