ММГ: Мұнай мен газды алуды автоматтандыру қалай жүзеге асуда

"Цифрлық Қазақстан" мемлекеттік бағдарламасы шеңберінде ҚР Энергетика министрлігі мен ҚР цифрлық даму, инновациялар және аэроғарыш өнеркәсібі министрлігі мұнай мен газ конденсатын есепке алудың ақпараттық жүйесін (АЖҚЕ) құрып, енгізу бойынша жұмыстар жүргізуде.

"Маңғыстаумұнайгаз" еліміздің мұнай-газ өндіру саласының флагмандарының бірі ретінде өндірістік процестерді оңтайландыруға ықпал ететін цифрлық технологияларды дамыту мәселелеріне көп көңіл бөледі. Соның ішінде маңызды бағыттардың бірі болып табылатын мұнай мен газды есепке алу жүйелерін енгізуде энергоресурстардың қозғалысын тиімді бақылап қоймай, есеп беруде ашықтықты қамтамасыз етеді.

ҚР Энергетика министрлігінің бұйрығына сәйкес өндірістік объектілерді 2025 жылдың 1 қаңтарына дейін мұнай мен газды есепке алу құралдарымен қамтамасыз ету қажет. Бүгінгі таңда "Маңғыстаумұнайгаз" барлық АТӨҚ, ТҚ және алау қондырғыларында мұнай мен газды есепке алу жүйесін енгізді. Барлық тұтынушыларды өз қажеттіліктеріне есепке алу тораптарымен жарақтандыру бойынша жұмыстар жүргізілуде.

Мұнай мен газ конденсатын есепке алудың ақпараттық жүйесі Қазақстанның мұнай-газ ресурстарын тиімді басқарудың негізгі құралы. Бұл есепке алу дәлдігін, операциялардың ашықтығын арттырып, тәуекелдерді төмендетуге ықпал етіп, елдегі мұнай-газ саласының неғұрлым тиімді және тұрақты дамуына әкеледі.