«Мұнайлы өлке» қайырым қоры өткен жылға есеп берді

Осы қаражат шеңберінде Қор 2021 жылы 12 өтініш негізінде қайырымдылық көмегін жүзеге асырды. Олардың жалпы соммасы 1 850 000 теңгені құрады. Артылып қалған қаражат Қор есеп-шотында сақтаулы тұр. Бұл қаражат алдағы уақытта Қор атына түскен өтініштер негізінде мақсатына сай жұмсалатын болады.

Қоса беріліп отырған кестеден 2021 жылы жұмсалған қаражаттардың соммасымен және нысаналы мақсатымен танысуға болады.

«Құрметті әріптестер! Қор қызметінің жүзеге асуына қосқан үлестеріңіз бен азаматтық белсенділіктеріңіз үшін Қор атынан және Қор көмегіне жүгініп, жанына сая тапқан азаматтар атынан баршаңызға шексіз алғысымызды білдіреміз. Табыстарыңыз арта берсін» делінген қор таратқан хабарламада.

Қор 2017 жылдан бері қызмет етіп келеді. Қор қызметі толығымен «Маңғыстаумұнайгаз» АҚ қызметкерлерінің ерікті қайырымдылық жарнасы есебінен қаржыландырылады.