Мұнайшылар арасындағы спорт додасы

Қаражанбас мұнайшылары спорттағы жетістіктерін тағы да еселей түсті. Ақтауда «ҚазМұнайГаз» ҰК» АҚ компаниялар тобының жұмысшылары арасындағы спартакиаданың облыстық кезеңі өтуде. 6 командадан 200-ге жуық қатысушы 9 спорт түрі бойынша сынға түсті. «Қаражанбасмұнай» АҚ комндасы іріктеу кезеңінен өткен ең мықты әуесқой спортшылардан құралған.

Ыстық ауа райы, футбол алаңындағы ойынның жалынды өтуіне себеп болды. Ширек финалда Қаражанбас пен «ҚазМұнайТеңіз» командасымен кездесті. Біздің ойыншылар айқын басымдылық көрсетіп, қарсыластарын 7:0 есебімен жеңді. Келесі кездесу де нәтижелі болды. Қаражанбастықтар «ТеңізСервис» командасын 11:1 есебімен ойсырата жеңді. Енді ҚБМ ертеңгі финалдық бәсекеде «Каспий Битуммен» жарысады.

Жеңіл атлетика жарысына да ең епті және шапшаң жұмысшылар жиналды. Қатысушыларға 1 минут ішінде эстафеталық жүгіріспен 100 м қашықтықты бағындыру тапсырылды. 1 минут 6 секундта мәреге жеткен ҚБМ жұмысшылары жалпы командалық есепте І орынды жеңіп алды.

Волейбол және баскетбол ойындары да тартысты өтті. Бәсекелестікке толы сайыс нәтижесі бойынша волейболдан ҚБМ ерлер құрамасы І орын, ал әйелдер арасындағы жарыстан ҚБМ командасы ІІІ орынға ие болды. «Каспий Битум» командасын жеңіп, баскетболшылар да компания қоржынын алтын медальмен толықтырды.

100 метр қашықтыққа жүзу бойынша ҚБМ жұмысшысы – Ғани Чалабаев топ жарды. Сонымен қатар, қаражанбастықтар үлкен теннис пен тоғыз құмалақ ойынында лайықты өнер көрсетті. Жарыс кезінде қатысушылар командалық рух, ептілік пен жеңіске деген құлшынысын айқын көрсете алды.

Еще больше новостей на нашем telegram-канале , подписывайся и будь в курсе!

К списку статей

АРХИВ ЖУРНАЛОВ SKNEWS