Главная Новости Мұнайшылар мұқтаж отбасыларға көмек берді
Компания тынысы18 маусым 2021, 09:49 392

Мұнайшылар мұқтаж отбасыларға көмек берді

Мұнайшылар мұқтаж отбасыларға көмек берді

«Мұқтаж жанға демеу болу – адамгершілік болмысымыздың көрінісі» деген жылыойлық мұнайшы қыздар Құлсары қаласындағы әлеуметік көмекке зәру жандарға қолдау көрсетті.

«Жылыоймұнайгаз» мұнай-газ өндіру басқармасындағы «Мұнайшы қыз» клубы мүшелерінің бастамасымен қайырымдылық шарасы ұйымдастырылды. Шара кезінде Жылыой ауданының орталығы Құлсары қаласындағы тәрбиесінде мүмкіндігі шектеулі балалары бар отбасылар мен көпбалалы жалғызбасты аналарға қолдау көрсетілді.

«Жылыойлық мұнайшылар әлеуметтік көмекке мұқтаж жандарды әрдайым қамқорлыққа алып келеді. Биылғы пандемияға қатысты жарияланған карантин кезінде және барша мұсылман қауымы үшін қасиетті саналатын рамазан айында мұнайшылар өз жалақылары есебінен ерікті түрде қаражат жинап, көп балалы отбасыларға, мүмкіндігі шектеулі жандарға үлкен көмектер көрсеткен болатын. Мұнайшы қыздар тағы да бастама көтеріп, әлеуметтік көмекке зәру жандар үшін қайырымдылық шарасын ұйымдастырды», – дейді «Жылыоймұнайгаз» мұнай-газ өндіру басқармасы бастығының орынбасары, «Мұнайшы қыз» клубының жетекшісі Балмаш Жақсыбаева.

Мұнайшы қыздардың бастамасымен нәтижесін тапқан қайырымдылық шарасында жылыойлық көпбалалы обасылары мен тәрбиесінде мүмкіндігі шектеулі балалары бар 5 отбасы азық-түлікпен қамтамасыз етілді. Сонымен қатар, оларға қаржылай да көмектер көрсетілді.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: