Мұнайшылар саябағына – 200 көшет

Исатай аудандық әкімдігі тарапынан бөлінген арнайы аумаққа жайықтық мұнайшылар барлығы 210 түп шаған көшеттерін отырғызды. Болашақта бұл жер Мұнайшылар саябағы деп аталмақ. Белгіленген аумақты қоршау жұмыстары алдынала жүргізіліп, суару жүйесі тартылған.

Мұнайшылардың айтуынша, қоғамды қоршаған ортаны қорғауға баулып, жастардың экологиялық білімі мен тәрбиесін арттыруда мұндай шаралардың маңызы зор.

«Қоршаған ортаның жақсаруына өз үлесімізді тигізу үшін сенбіліктер өткізіп, ауламыздың, қаламыздың, ауылымыздың аумағын тазартып, абаттандырып, жасыл желектер отырғызып, шырайын әрлендіре түсуіміз керек.Тұрғылықты жеріміздің тал-терегін жайқалтып, гүлмен көмкерілген баққа айналдырып, ауылымыздың ажарлы болуына үлес қосу – бәріміздің азаматтық парызымыз. Компания қызметкерлері көгалдандыру жұмыстарына өз еріктерімен қатысуда. Бұл ретте, жергілікті климаттың қолайсыздығн да ескерген жөн. Демек, өзге өңірлермен салыстырғанда, біздегі жасыл желекке екі есе артық күтім керек деген сөз», – дейді «Жайықмұнайгаз» МГӨБ бастығының әлеуметтік мәселелер жөніндегі орынбасары Әділбек Зайдуллин.