«МұнАйым» клубы теңіз жағасында жаттығу өткізді

Жобаның басты мақсаты – мұнайшылар арасында салауатты өмір салтын насихаттау, спорттық және рухани өмір мәдениетін қалыптастыру. Мұндай іс-шаралар өз өміріне жағымды тың өзгеріс енгізгісі келетін ізденімпаз тұлғаларды біріктіреді, сонымен қатар оларға пікірлес адамдармен табысып танысуға көмектеседі.

Спорттық іс-шараға «Маңғыстаумұнайгаз» АҚ басшылары мен қызметкерлері белсенді қатысты. Шараны йога бойынша білікті жаттықтырушы ААТжБД инженері Гауһар Сүйеуова жүргізді. Йога сабақтары зейінді жақсартуға, стресске төзімділікті күшейтуге, эмоционалды фонды қалпына келтіруге, ұйқыңызды жақсартуға, денсаулығыңызды нығайтуға көмектеседі.

Бақытты және дені сау адамдар – кез келген елдің өркендеуінің негізі екені белгілі. «Жасыл фитнес» жобасы – адамды жарқын, бай және толыққанды өмірге қол жеткізуге мүмкіндік беретін жолдардың бірі болып табылады.