Хотите получать уведомления в браузере о последних изменениях на сайте SKNEWS.kz
Бірінші рет Солтүстік-Шығыс Африкадан Қазақстанға құрылыс материалдары тиелген 40-футтық алты контейнер келді, деп хабарлады «Қазақстан темір жолы» ҰК»АҚ баспасөз қызметі.
Жөнелту жұмыстарын КTZ Express АҚ филиалы халықаралық СМА CGM теңіз желісімен бірлесе ұйымдастырды. Жүк мысырлық Александрия портынан грузиндік Поти портына дейін теңіз арқылы жөнелтілді. Одан әрі қарай теміржолшылар жүктің жеткізілімін Транскаспийлік Халықаралық Көлік Бағдары бойынша ұйымдастырды. Жолдағы уақыт 25 күнді құрады.
Ертеректе жүктер Африка елінен ресейлік порттар арқылы жеткізіліп келді. KTZ Express АҚ бәсекеге қабілетті баға мен сапалы сервисті ұсына отырып, клиентті ТХКБ бағдарына тарта алды. Бұл атаулы оқиға Еуразия құрлығы мен Африка арасындағы халықаралық дәлізде жүк ағынын ұлғайту үшін кең мүмкіндіктер ашты.
Қазіргі кезде KTZ Express АҚ басшылығымен Египет Араб Республикасы елшілігінің өкілдерімен аталған бағдарда жүк ағынын ұлғайту және тасымалды дамыту бойынша жұмыстар жүргізілуде. Мысырдың ірі порттары Африка елдері үшін қақпа ретінде қарастырылып отыр.