Главная Новости Наурызды мерекелеудің жетібайлық үлгісі
18 наурыз 2022, 13:00 1981

Наурызды мерекелеудің жетібайлық үлгісі

Наурызды мерекелеудің жетібайлық үлгісі

«Жетібаймұнайгаз» өндірістік басқармасының ұжымы көктемнің шырайлы мерекесі – әз-наурызды қарсы алды. Алдымен басқарма ғимаратында мерекеге орай өткізілген спорт жарыстарының жеңімпаздары марапатталды. Адал еңбек пен салауатты өмір салтын серік еткен жұмысшыларға арнайы кубоктар, Алғыс хаттар мен қаржылай жүлделер табысталды.

 

Мерекелік шарада «Жетібаймұнайгаз» өндірістік басқармасының басшысы Болат Сейітмағамбетов, «Жетібаймұнайгаз» Кәсіподақ ұйымының төрағасы Бекес Құлмұрынов мұнайшыларды Наурыз мерекесімен құттықтады.

«Жыл сайын Жетібай кенорында Амал мерекесі, Ұлыстың ұлы күні айрықша аталып өтеді. «Жетібаймұнайгаз» ұжымын, мұнайшыларды, қазақ елін наурыз мерекесімен құттықтаймын. Наурыз мерекесі бірлік пен тыныштық ала келсін. Ақ мол болсын», – деді Болат Сейітмағамбетов.

Мерейлі мерекеде алдыңғы буын ардагер-мұнайшылар да сый-құрметке бөленді.

«Маңғыстаумұнайгаз» компаниясының басшылығы еңбек ардагері деп сый-құрмет көрсетіп, мерейімізді асырып жатыр. Шын пейілмен алғыс білдіремін. Елу жылға жуық осы кенорында жұмыс істедік. «Жетібаймұнайгаз» мекемесінің еліміздің байлығын молайтудағы үлесі зор ғой. Амал мерекесі құтты-берекелі болсын. Еліміз аман, бірлігіміз бекем болсын», – деді еңбек ардагері Мұратбай Жақсығатов.

Мерекелік шара Асар кенорнында жалғасып, мұнайшылар әз-наурызды басқарма басшылығымен бірге ізгі тілек, ақ пейілмен қарсы алды. Қара алтынның қазанын қайнатқан еңбекшілер ұжымы өзара көрісіп, Амал мерекесімен астасқан Ұлыс күнімен құттықтап, тілектерін айтты.

Сахна төрінде мұнайшыларға әннен маржан, жырдан шашу шашылды. Белгілі жыршы, мәдениет қайраткері Амандық Көмеков, Оспан Құлсымақ, Ғалымжан Жолдасбай сынды елімізге танымал өнер жұлдыздары мереке шырайын келтіріп, жұртшылықтың көңілін көтерді.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: