05 июля 2025, 15:26 355

Оқыс оқиғалар саны 22 пайызға төмендеді

2025 жылдың бірінші жартыжылдығында Магистральдық желі дирекциясында оқыс оқиғалар саны 2024 жылдың сәйкес кезеңімен салыстырғанда 22% төмендеді. Бұған төтенше жағдайлардың алдын алуға бағытталған диагностика, жөндеу және қызметкерлерді оқыту бойынша кешенді іс-шаралардың арқасында қол жеткізілді.

Инфрақұрылымның жай-күйін бақылау үшін заманауи диагностикалық жүйелер белсенді қолданылады. «ТЖ АЖКТ»автоматтандырылған бағдарламасының көмегімен 2025 жылдың қаңтар-маусымында 154 мың шақырымнан астам темір жолдары тексерілді, жолдың жай-күйі нашарлауына жол берілмейтін 4 учаске, алдын алу жай-күйі бар 359 учаске, жағымсыз жағдайы бар 5 540 учаске анықталды және жойылды.

2025 жылы жолдарды күрделі және орташа жөндеу, сондай-ақ байланыс желісі мен кабельдік шаруашылықты тексеру жүргізілді. Өткелдер мен инфрақұрылым объектілерінде қауіпсіздік бойынша айлықтар ұйымдастырылды, технологиялық карталарды тәжірибелік пысықтаумен 1 957 жоспардан тыс техникалық сабақтар өткізілді. Жолда малдың шығу қаупін азайту үшін тұрғындармен 851 жиналыс өткізілді, 23 мыңнан астам адам қамтылды, мал иелеріне қауіпсіз жаю ережесі бар 30 мыңнан астам жадынама табыс етілді.

Еще больше новостей на нашем telegram-канале , подписывайся и будь в курсе!

К списку статей Следующая статья