Отыз жеті жыл энергетика саласында

Компанияның мерейтойына орай, қоғамның баспасөз қызметі өндірістік саласында 25 жылдан астам жұмыс істеп келген қызметкерлерді таныстырып бастады.  

Солардың бірі Әділбек Әбдіров «KEGOC» АҚ Алматы ЖЭТ филиалына қарасты Балқаш маңы ЖЭС-інің бастығы болып қызмет етеді. Әділбек Сағашұлы саналы ғұмырының 37 жылын электр энергетикасы саласына арнап келеді, соның 25 жылға жуығы «KEGOC» АҚ-ға тиесілі. Осы уақыт аралығында Әділбек Әбдіров кәсіби білімі мен ұйымдастырушылық қабілетінің арқасында ұжымда абырой мен беделге ие болды.

Қызмет барысында Қазақстан Республикасының Ұлттық электр торабын жаңғыртуға бағытталған компанияның бірқатар ауқымды жобаларын, атап айтқанда «Қазақстанның Солтүстік-Оңтүстік транзитінің 500 кВ екінші электр беру желісі», «ОҚ МАЭС – Алматы», «ОҚ МАЭС – Шу» т.б. жобаларын жүзеге асыруға белсене қатысқан.