04 шілде 2019, 08:56 2479

Өзіндік рекорд: таза табыс 100 млрд теңгеге артты

Сурет: "ҚазТрансГаз" АҚ баспасөз қызметі

"ҚазТрансГаз" компаниясының ағымдағы жылдың алғашқы жартысы бойынша шоғырландырылған кірісі 1 трлн теңгеден асып отыр. Ұлттық газ операторының таза пайдасы 170,2 млрд теңгені құрап, былтырғы көрсеткішке қарағанда 100 млрд теңгеге немесе 140%-ға артық болуда. Атап өтерлік жайт, Компания ел ішіндегі тұтынушыларға газды өзіндік құнынан төмен бағада өткізеді және бұл шығынды газды экспорттау есебінен өтеуде.

Ішкі нарыққа газ жеткізу операцияларынан келген шығын көлемі 62,6 млрд теңгені межелеген.

Сонымен қатар, "ҚазТрансГаз" АҚ еліміздің ірі салық төлеушісінің бірі. Осы есепті кезеңнің өзінде ғана 56 млрд теңгеден астам сомаға салықтар мен бюджетке төленетін басқа да төлемдер жасалған.

"ҚазМұнайГаз" ҰК" АҚ Басқарма төрағасының орынбасары Қайрат Шәріпбаевтың айтуынша, "ҚазТрансГаз" АҚ компаниялар тобының табысты қызметі "Самұрық-Қазына" ҰӘҚ" АҚ мен "ҚазМұнайГаз" ҰК" АҚ тарапынан көрсетілген қолдаудың арқасында мүмкін болуда.

"Газ тасымалдау жүйесінің техникалық қуатын ұлғайту, әртараптандыру және тауарлық газ үшін жаңа транзиттік бағыттарды құру жөніндегі Ұлттық оператордың бастамалары қолдау тауып, қаржыландырылуда. Толықтай жаңғыртылған, жоғары технологиялық отандық газ тасымалдау жүйесі транзиттік газ ағынын әртараптандырып қана қоймай, елдің ішкі қажеттілігін толықтай қамтамасыз ете отырып, оның көлемін ұлғайтуға да қабілетті", - дейді Қайрат Шәріпбаев.

Бүгінгі таңда "ҚазТрансГаз» АҚ" Орталық Азияда газ ағындарының маңызды әрі технологиялық тұрғыдан ең қуатты операторы болып саналады.

Еще больше новостей на нашем telegram-канале , подписывайся и будь в курсе!

К списку статей Следующая статья