Павлодар облысында дауылдан бүлінген электр бағандары жөнделіп жатыр

Павлодар өңірінде дүлей дауыл құлатқан жоғары кернеулі электр желілері қайта қалпына келтіріліп жатыр. Қазіргі күні өңірлерді жарықпен қамтуда еш кедергі жоқ, дейді электр энергиясын таратушы басты кәсіпорын «KEGOC» АҚ.

Ұлттық электр торабына кіретін Павлодар өңіріндегі электр желілерінде қатты дауыл кезінде жоғары кернеулі тоқ тарататын сегіз тірек баған құлаған болатын. Қазір жаңасы салынып жатыр.

Апат орнында алты өңірлік филиалдан келген 150-ден астам жоғары білікті​ маман жұмыс істеп жатыр және 50 техника бірлігі жұмылдырылды. Жөндеу жұмыстары үйлесімді, шапшаң және барлық техникалық талаптарға сай орындалуда. Басты мақсат — жүйенің сенімділігін қалпына келтіру.

Павлодар өңіріндегі үш желідегі жөндеу жұмыстары алдағы жексенбіге дейін толық аяқталады.