ПМХЗ-да жаңа газ компрессорлары орнатылып жатыр

Павлодар мұнайхимия зауыты өндірістегі майлы газ компрессорларын (МГК) ауыстыру жобасын жүзеге асыруда. Аталмыш жоба «AVC Production» ЖШС мердігерлік ұйымы мен жапондық Hitachi Industrial Products Ltd. компаниясымен бірлесе іске асырылып жатыр.

​Майлы газ компрессорлары мұнайды терең өңдеу өндірісінің КТ-1 компрессорлық станциясына жатады. Олардың мақсаты – агрегаттардағы қысым деңгейін көтеру арқылы көмірсутек газын сығу. Бұл - технологиялық үдерісті жақсарту, дайын өнім сапасын арттыру, сондай-ақ қауіпсіз өндіріс жағдайын қамтамасыз ету үшін қажет. ​

Hitachi Industrial Products, Ltd. компаниясының BCH455 маркалы су жаңа компрессорлары пайдалы әрекет коэффициентінің жоғарылығы және энергияның аз жұмсалуымен ерекшеленеді. Осылайша, энергиялық тиімділік көрсеткіші 75%-дан 87%-ға, ал жұмсалатын қуат мөлшері 3,10 МВт-тан 2,3 МВт-қа дейін төмендейді. Жөндеу аралық кезең 8 600 сағаттан 24 000 сағатқа дейін артады.

Сонымен қатар аппаратураны басқару жүйесі автоматтандырылып, техникалық қызмет көрсету мен жөндеу жұмыстарына жұмсалатын шығындар қысқарады. ​Компрессорлар ПМХЗ аумағына 2024 жылдың соңында жеткізілді. Қазақстанға дейін жеткізу Жапониядан ҚХР арқылы теңіз және жер үсті көлік көмегімен жүзеге асырылды.