02 қыркүйек 2024, 11:37 919

ПМХЗ мұнайды тереңдете өңдеуді қалай қамтамасыз етеді?

Шикізатты баяулатып кокстеу — мұнай өңдеу саласындағы ең маңызды процесс. Павлодар мұнай-химия зауытында мұнайды тереңдете өңдеу ең үнемді тәсілдерінің бірі ретінде ауыр мұнай қалдықтарын тиімді өңдеуге мүмкіндік береді.

Қызықты тарихи факт, Павлодар мұнай-химия зауытында баяулатып кокстеу қондырғысы 1986 жылы желтоқсан айында іске қосылды. Бұл қондырғыда гудрон мен мазут сияқты мұнай өңдеудің ауыр қалдықтарынан кокс шығарыла бастады. Кокс — энергетикалық сектордың маңызды құрамдас бөлігі. Жылына 600 мың тонна шикізат өңдей алатын қондырғы жобасын «Башгипронефтехим» институты (Уфа қ.) әзірледі.

2016 жылы зауытта күрделі жөндеу жүргізілген кезде баяулатып кокстеу қондырғысы «Башқұртстан Республикасының мұнай-химия өңдеу институты» мемлекеттік унитарлық кәсіпорнының технологиясы бойынша реконструкцияланды. Атқарылған жұмыстар қондырғы пайдалану талаптарын және оның техникалық-экономикалық көрсеткіштерін жақсартты.

Сонымен қатар реконструкция нәтижесінде жабдықты пайдалану сенімділігі артып, өнімділігі жылына 600 мың тоннадан 925 мың тоннаға дейін ұлғайды.

Еще больше новостей на нашем telegram-канале , подписывайся и будь в курсе!

К списку статей Следующая статья